Mae’r papur a ganlyn yn nodi cyngor terfynol Comisiwn Bevan ar yr Egwyddorion Iechyd Darbodus i’r Gweinidog dros Iechyd a Gwasanaethau Cymdeithasol. Mae'r Comisiwn yn argymell bod: yr Egwyddorion Iechyd Darbodus yn cael eu mabwysiadu'n llwyr ledled Cymru; maent yn sail i waith gwasanaethau i sicrhau bod yr holl sgiliau ac adnoddau’n cael eu defnyddio, o fewn a thu allan i’r GIG, i gyflawni’r canlyniadau gorau posibl i bobl a chleifion; a, bod fersiynau hygyrch o'r Egwyddorion Iechyd Darbodus terfynol yn cael eu datblygu i sicrhau bod y cyhoedd a gweithwyr proffesiynol yn gallu ymgysylltu'n llawn.
