Wythnos Dysgu Dwys

Cynhelir Wythnos Dysgu Dwys Arloesi Comisiwn Bevan mewn partneriaeth ag Academi Dysgu Dwys Cymru Gyfan ar gyfer Arloesi mewn Iechyd a Gofal Cymdeithasol. Bydd hyn yng Nghanolfan Taliesin ym Mhrifysgol Abertawe, rhwng 5  a 9 Rhagfyr gyda phryd gyda’r nos ar y 7^fed yn Neuadd hanesyddol Brangwyn.

 

Dyma gyfle unigryw i chi:

• Gwrdd ag arbenigwyr rhyngwladol ym maes iechyd a gofal, a dysgu ganddynt
• Rhwydweithio â gweithwyr proffesiynol sy’n arwain wrth arloesi ym maes iechyd a gofal
• Rhannu syniadau ac arfer gorau â gweithwyr proffesiynol profiadol
• Camu’n ôl o’ch gwaith beunyddiol a chael cymorth i ddatblygu atebion i heriau eich gweithle chi

Ymunwch ag amgylchedd dysgu cyfoethog, heriol a chwim, lle bydd cymheiriaid a siaradwyr gwadd fel ei gilydd yn eich helpu i feddwl yn wahanol, herio ffyrdd o weithio, a’ch helpu i weld pethau o wahanol safbwyntiau.

P’un a ydych yn newydd i faes iechyd a gofal cymdeithasol, neu’n gweithio ar hyn o bryd i arloesi a thrawsnewid gwasanaethau, dyma’ch cyfle i weithio gydag arweinwyr iechyd a gofal cymdeithasol i baratoi ar gyfer 2023 a thu hwnt.

Bydd y rhaglen hon yn eich helpu i symud yn gyflymach, gan weithio gyda phobl sy’n angerddol am wneud gwahaniaeth a datblygu atebion arloesol i heriau cyfredol a rhai sy’n dod i’r amlwg.

Arloesi a’ch heriau eich hun

Mae’r wythnos ddysgu ddwys hon yn canolbwyntio ar arloesi a mynd i’r afael â’ch heriau eich hun. Mae’n gyfle unigryw i chi gymryd amser allan o’ch gwaith beunyddiol er mwyn camu’n ôl a chanolbwyntio ar ddatblygu’r ffordd rydych chi’n meddwl ac yn gweithio gydag eraill i wella eich system iechyd a gofal.

Dysgu cymhwysol dan arweiniad cymheiriaid ar ei orau

Drwy ein rhaglen amrywiol a hynod ryngweithiol, bydd yr wythnos ddysgu pum niwrnod hon yn cynnwys cyfuniad o gyflwyniadau, astudiaethau achos, paneli trafod,  trafodaethau mewn grwpiau bach, sesiynau gwaith grŵp a sesiynau hyfforddi.

Pwy ddylai gymryd rhan?

Mae Wythnos Dysgu Dwys Arloesi wedi’i bwriadu ar gyfer:

• Gweithwyr iechyd a gofal ar bob lefel yn y systemau iechyd a gofal, llywodraeth leol a’r trydydd sector
• Gweithwyr rheng flaen iechyd a gofal yn y Trydydd Sector, Elusennau a Chyrff Anllywodraethol
• Pobl sy’n gweithio mewn cwmnïoedd neu sefydliadau ar gynnyrch, gwasanaethau neu flaenoriaethau iechyd a gofal

Costau

Telir ffioedd llawn unigolion sy’n gweithio yn y byd iechyd, gofal cymdeithasol a’r trydydd sector yng Nghymru drwy ysgoloriaeth a ddarperir ganAcademi Dysgu Dwys Cymru Gyfan. .

Bydd unigolion sy’n gweithio ar wasanaethau neu gynnyrch iechyd a gofal yn y sector preifat hefyd yn elwa o’r cyfle unigryw hwn ac maen nhw’n cael eu hannog i gymryd rhan. Y gost i sefydliad preifat gymryd rhan yw £1,500.

Bydd y digwyddiad hefyd yn cynnwys pryd o fwyd 3 chwrs gyda’r hwyr a fydd yn cael ei gynnal yn Neuadd hanesyddol Brangwyn nos Fercher 7 Rhagfyr. Cost mynd i’r cinio fydd £40.

Ysgoloriaethau

• Bydd yr ymgeiswyr wedi gofyn am eu tocyn Wythnos Dysgu Dwys Arloesi 2022 ar Eventbrite.
• Rhaid bod ymgeiswyr wrthi ar hyn o bryd yn gweithio i’r Gwasanaeth Iechyd Gwladol, yn y sectorau Gofal Iechyd, Gofal Cymdeithasol neu’r Sector Gwirfoddol yng Nghymru.
• Rhaid bod ganddynt gadarnhad o gefnogaeth wedi’i lofnodi gan eu cyflogwyr, gan ddefnyddio’r ffurflen a ddarparwyd gan y Brifysgol (a anfonwyd atoch ar ôl i chi gofrestru drwy Eventbrite).