Sefydliadau'r GIG yn torri desflurane yn eu hymgyrch am lawdriniaeth wyrddach

Yn cael eu defnyddio'n eang mewn meddygfeydd bob dydd, mae nwyon anesthetig a meddygol yn gyfrifol am tua 2% o holl allyriadau'r GIG.

Mae Desflurane, nwy anesthetig a ddefnyddir yn rheolaidd mewn theatrau llawdriniaeth, yn un o'r rhai mwyaf cyffredin, ond hefyd yn un o'r rhai mwyaf niweidiol.

Mae’n fwy na 2,500 gwaith yn gryfach fel nwy tŷ gwydr na charbon deuocsid (CO₂). Bydd awr o anesthetig gan ddefnyddio'r nwy yn cynhesu'r atmosffer gan yr hyn sy'n cyfateb i rhwng tua 30 a 60kg o CO₂. Mae hynny'n cyfateb i yrru rhwng 200 a 400 cilomedr o'i gymharu â gyrru rhwng pump a deg cilomedr ar gyfer sevoflurane, dewis arall carbon is.