Tan yn ddiweddar roedd yr Athro Emeritws Gregor Coster CNZM yn Athro Polisi Iechyd ac yn Ddeon sefydlol y Gyfadran Iechyd ym Mhrifysgol Te Herenga Wake Victoria yn Wellington, Seland Newydd. Cyn hynny bu'n Athro Ymarfer Cyffredinol yng Nghyfadran Gwyddorau Meddygol ac Iechyd Prifysgol Auckland. Mae'n Gymrawd Nodedig o Goleg Brenhinol Meddygon Teulu Seland Newydd.
Ef oedd Cadeirydd sefydlu WorkSafe Seland Newydd, y rheolydd iechyd a diogelwch cenedlaethol, a sefydlwyd yn dilyn trychineb pwll glo Pike River yn 2010. Mae wedi bod yn aelod o fwrdd y Gorfforaeth Iawndal Damweiniau, ac yn Gadeirydd Bwrdd Iechyd Dosbarth Counties Manukau.
Gwnaethpwyd yr Athro Gregor Coster yn Gydymaith Urdd Teilyngdod Seland Newydd yn Rhestr Anrhydeddau Pen-blwydd y Frenhines yn 2007 am wasanaethau i iechyd y cyhoedd.
