Eich Gofod

Rachel Hancocks

Amdanom ni

Mae Your Space yn elusen ar gyfer pobl ifanc â Chyflwr ar y Sbectrwm Awtistig a'u teuluoedd. Nid oes angen diagnosis ar bobl ifanc i gael mynediad i’n gwasanaethau gan y gall hon fod yn broses hir i rai teuluoedd ac mae hyn yn golygu nad oes unrhyw aros iddynt gael mynediad i’n gweithgareddau, seibiant a chefnogaeth y mae mawr eu hangen.

Rydym wedi ein lleoli yng Nghanolfan Adnoddau Llai yn Wrecsam, ond mae gennym bobl ifanc wedi cofrestru gyda ni o bob rhan o Ogledd Cymru a’r cyffiniau.

Beth rydym yn ei wneud

Gweithgareddau – Rydym yn cynnal gweithgareddau hwyliog, deniadol a chymdeithasol ar ôl ysgol a chlybiau gwyliau. Mae ein gweithgareddau yn cynnwys, chwarae celf synhwyraidd, sgiliau pêl, cerddoriaeth, clybiau cymdeithasol, diwrnodau allan i'r teulu, partïon pizza a nosweithiau nofio. Mae ein holl sesiynau yn gynhwysol ac yn cael eu harwain gan ddiddordeb y bobl ifanc sy'n eu mynychu. Mae ein staff yn ofalgar ac yn angerddol am roi'r safon uchaf i'n pobl ifanc yn ystod ein gweithgareddau.

“Gwnaeth K yn dda iawn heddiw ac rydw i mor ddiolchgar i’r tîm am gymryd gofal mor dda ohono. Byth ers i K ymuno â 'Your Space' rwyf bob amser wedi teimlo ei fod yn cael ei gefnogi'n llawn, ac nid oes gennyf unrhyw bryderon yn ei adael. Fel rhiant mae hyn yn anodd, oherwydd mae K yn gymeriad eithaf cymhleth ac yn dibynnu'n fawr arnaf. Ni allaf ddiolch digon ichi am bopeth a wnewch. Mae’n rhoi amser gwerthfawr y mae mawr ei angen i mi gyda fy merch, sydd mor bwysig.”

Gwasanaeth Allgymorth Teuluol – Mae Your Space yn darparu cymorth a chyngor gwerthfawr i deuluoedd pobl ifanc â Chyflwr ar y Sbectrwm Awtistig a’r rhai sy’n aros am ddiagnosis. Mae ein Tîm Allgymorth Teuluol yn darparu cymorth 1-1 i rieni, maent yn glust i wrando, yn rhoi cyngor ac yn cyfeirio at asiantaethau eraill. Maen nhw’n cynnal grŵp cefnogi rhieni rheolaidd sy’n cynnwys hyfforddiant a rhannu gwybodaeth tra hefyd yn darparu man diogel i rannu’r hyn maen nhw’n mynd drwyddo gyda phobl sy’n deall yn iawn. Mae Your Space hefyd yn cynnig cwnsela i rieni a gofalwyr yn ogystal â phobl ifanc ag Awtistiaeth a chyflyrau cysylltiedig.

“Mae’r gwasanaeth allgymorth wedi gwneud gwahaniaeth anhygoel ac enfawr wrth wneud i mi deimlo fy mod yn cael cefnogaeth ac fel nad ydw i ar fy mhen fy hun, rydw i’n ymdopi â phopeth sydd wedi bod yn digwydd. Mae’r cymorth a’r gefnogaeth a gefais wedi gwneud byd o wahaniaeth ac wedi fy nghadw i fynd yn ystod un o adegau tywyllaf fy mywyd.”

Eiriolwr – Rydym yn eiriolwyr dros bobl ifanc ag awtistiaeth a’u teuluoedd. Mae ein Tîm Allgymorth Teuluol yn mynychu cyfarfodydd gydag ysgolion a gwasanaethau cymdeithasol yn rheolaidd i gefnogi ein rhieni a’n gofalwyr i gael y gorau i’w plentyn. Mae Your Space yn angerddol dros effeithio ar newid a gwneud i'r system weithio i'n teuluoedd.