Datblygu a gwerthuso adnoddau rheoli poen cronig

Yn aml nid yw unigolion sy'n defnyddio Gwasanaeth Poen Cronig BIPBC y Dwyrain wedi cael llawer o arweiniad, cymorth na mesurau ymarferol yn ymwneud â rheoli poen cyn defnyddio'r gwasanaeth. Ar hyn o bryd mae gan y gwasanaeth amseroedd aros hir ar gyfer asesu ac ymyrryd.

Nodau’r Prosiect:

Ein nodau ar gyfer y prosiect oedd:

• Cynyddu hygyrchedd i adnoddau hunan-reoli poen o ansawdd uchel ar gyfer y rhai sy'n profi poen parhaus.

• Lleihau’r tebygolrwydd y bydd poen yn ymsefydlu ymhellach yn ei gronigedd neu y bydd iechyd a lles yn gwaethygu ymhellach drwy ddarparu mynediad at adnoddau hunanreoli tra bod unigolyn yn aros i gael ei weld gan wasanaeth poen arbenigol.

• Gwella canlyniadau a phrofiad cleifion.

• Lleihau'r galw am wasanaethau oherwydd llai o angen am gyswllt clinigol uniongyrchol.

• Lleihau’r galw am gyswllt wyneb yn wyneb â chlinigwyr, sy’n arbennig o bwysig yn ystod y pandemig presennol.

• Symud tuag at fodel gofal fesul cam, gydag unigolion sy’n cymryd mwy o ran mewn dull hunanreoli sy’n gallu gweithio drwy adnoddau’n annibynnol a’r rheini ag anghenion mwy cymhleth yn cael eu gweld mewn modd mwy amserol, yn unol ag egwyddorion Gofal Iechyd Darbodus.

• Cofleidio ffyrdd newydd o weithio trwy ddarparu mynediad i raglen hunanreoli o bell.

• Gwella cydgysylltu rhwng gwasanaethau ac felly lleihau dyblygu gwaith.

• Nodi rhwystrau i ymgysylltu ag adnoddau hunanreoli.

Esblygodd ein prosiect yn ystod y Rhaglen Enghreifftiol. Ein nod cychwynnol oedd datblygu ystod o adnoddau dwyieithog o ansawdd uchel i ddiwallu anghenion y boblogaeth leol.

Yn ystod y prosiect fe wnaethom nodi EPP fel adnodd allweddol ac felly symudodd ffocws ein prosiect tuag at integreiddio EPP yn ein llwybr atgyfeirio. Roedd yr Enghraifft Bevan hon yn rhaglen garlam, a adawodd ychydig iawn o amser i gynllunio, cynnal y prosiect peilot, yn enwedig recriwtio a gwerthuso canlyniadau.

Canlyniadau Allweddol:

Mae'r rhain yn cynnwys:

• Roedd 77% o'r rhai a fynychodd EPP yn ei chael yn fuddiol.

• O'r 71 o unigolion y cynigiwyd EPP iddynt, dewisodd 57 ymuno.

• Roedd mesurau canlyniadau safonol a oedd yn gwerthuso canlyniadau cleifion, gan gymharu mesurau hwyliau a phrofiad poen ar adeg atgyfeirio ac ar ôl cwblhau'r EPP, yn dangos gwelliant ar draws pob maes, gyda hwyliau'n dangos gwelliant sylweddol.

• O'r rhai na chymerodd ran yn yr EPP nododd 96% resymau ffordd o fyw, gyda dim ond 4% yn nodi nad oeddent yn credu bod y rhaglen yn berthnasol.

• Mae tuedd yn dod i'r amlwg bod angen llai o fewnbwn gan y gwasanaeth ar unigolion sy'n cwblhau'r EPP.

• Yn y tymor hwy rydym yn rhagweld:

• Gostyngiad a ragwelir yn nifer y cysylltiadau clinigol o fewn y gwasanaeth poen a'r tu allan iddo.

• Gwell canlyniadau i gleifion ac ymgysylltiad â'r dull hunanreoli a fabwysiadwyd gan y gwasanaeth.

• Gostyngiad yn nifer y cwynion a’r adroddiadau risg sy’n ymwneud â dirywiad y gellir ei osgoi neu ei atal yn lles cleifion sy’n gysylltiedig ag amseroedd aros hir ar gyfer asesiad ac ymyriadau.

• Pe bai'r EPP yn cael ei integreiddio fel cam cyn atgyfeirio yn ein llwybr atgyfeirio, rydym yn rhagweld gostyngiad yn nifer yr atgyfeiriadau; lleihau amseroedd aros ar gyfer asesiad cychwynnol; ac amser aros am ymyriadau.

• Gwerthusiad ar raddfa fwy a/neu aml-safle o integreiddio EPP i lwybrau atgyfeirio.

• Nodi rhagfynegwyr ymgysylltu a gwerthuso ymhellach ganlyniadau sy'n gysylltiedig â phresenoldeb EPP, a fydd yn llywio meini prawf dethol ar gyfer llwybrau yn well.

• Gwerthuso effaith EPP ar y llwybr atgyfeirio i gynnwys gwerthuso'r gwahaniaeth yn nifer yr oriau clinigwyr sydd eu hangen a chanlyniadau cleifion ar gyfer y rhai a fynychodd EPP yn erbyn nad ydynt yn mynychu EPP.

• Adolygu'r broses a ddefnyddir i gynnig EPP a'r wybodaeth ategol.

• Parhau i integreiddio gyda gwasanaethau eraill.

• Gweithio gyda gwasanaethau poen eraill i annog mabwysiadu a lledaenu.

Cysylltwch â:

Katy Knott: Katy.knott@wales.nhs.uk

Grevin Jones: Grevin.jones@wales.nhs.uk