Cefnogaeth ddigidol i staff anghlinigol i hyrwyddo'r defnydd o ymgynghoriadau rhithwir

Yn aml, staff gweinyddol yw'r arwyr anweledig mewn gofal iechyd. Nod y prosiect hwn yw gwella ymgysylltiad, cymhelliant a hyder, i annog staff i hyrwyddo'r defnydd o dechnolegau digidol ac ymgynghoriadau rhithwir.

Bu'n rhaid i'r GIG yng Nghymru addasu a newid darpariaeth gwasanaeth yn gyflym i gynnal gofal iechyd a disgwylir i staff Anghlinigol groesawu'r newid hwn yn ystod cyfnod cymharol fyr o amser ac yn aml heb fawr o gymorth nac ymgysylltiad.

Bydd y prosiect yn grymuso gweinyddwyr i ddewis ymgynghoriadau rhithwir yn lle dulliau mwy traddodiadol o gyflwyno megis ymgynghoriadau wyneb yn wyneb a thros y ffôn.

Nodau’r Prosiect:

• Gwneud y Gwasanaeth Rheoli Poen a Blinder yn wasanaeth Digidol yn Gyntaf

• Creu gweithlu medrus a thosturiol sy’n croesawu’r defnydd o dechnolegau digidol.

• Ffocws ar rymuso staff trwy ddarparu mwy o wybodaeth ac annog hunanreolaeth, archebu electronig, y defnydd o gymwysiadau gwe a thechnolegau newydd eraill.

• Datblygu model gwasanaeth cynaliadwy sy’n sicrhau’r gwasanaeth cywir gan y gweithiwr proffesiynol cywir yn y lle iawn ar yr amser iawn.

• Trawsnewid a datblygu ein gweithlu a’r ffordd y caiff y gwasanaeth ei ddarparu

Heriau:

Mae newid arferion sydd wedi'u gwreiddio yn y ffordd y mae pobl yn gweithio yn cymryd amser. Mae tîm y prosiect wedi goresgyn yr heriau hyn trwy gyfres o gyfarfodydd strwythuredig a dulliau amgen o gael adborth gwerthfawr gan gydweithwyr, a gyfrannodd at adolygiad o arferion gweinyddol cyfredol ac angerdd a rennir i gyflawni canlyniadau a fyddai o fudd i staff ac unigolion sy'n defnyddio'r gwasanaeth.

Canlyniadau Allweddol:

Datblygu dull safonol drwy sesiynau hyfforddi grŵp ac 1:1, rhannu gwybodaeth a datblygu adnoddau defnyddwyr a rennir i sicrhau bod prosesau mwy effeithlon yn cael eu gweithredu a fydd yn arwain at fwy o bobl yn manteisio ar ymgynghoriadau rhithwir yn erbyn dulliau mwy traddodiadol.

Adborth:

Mae’r rhaglen yn parhau i addasu i faterion presennol y gweithlu, gan ddefnyddio sgiliau a gwybodaeth ein tîm presennol i hyfforddi a datblygu’r recriwtiaid newydd ac i gymryd yr hyn yr ydym wedi’i ddysgu drwy’r prosiect a rhannu hyn â’r bwrdd iechyd ehangach.

Mae partneriaeth yn cael ei sefydlu ar hyn o bryd gyda Chymdeithas Mudiadau Gwirfoddol Powys (PAVO) i ddatblygu cysylltiadau â’u tîm cymorth digidol sydd newydd eu penodi. Bydd hyn yn ei dro yn helpu i wella llythrennedd digidol a lleihau arwahanrwydd ac unigrwydd i gleifion, yn enwedig yn ystod yr amseroedd hyn.

O ganlyniad i'r prosiect hwn, mae Bwrdd Iechyd Addysgu Powys wedi darparu cyllid am ddeuddeg mis i gyflwyno'r prosiect i wasanaethau ar draws y Bwrdd Iechyd.

Ein Profiad Enghreifftiol:

Mae’r profiad wedi atgyfnerthu fy nghred yn awydd y byrddau iechyd am newid. Mae gallu cysylltu’n ehangach â gweithwyr iechyd a gofal cymdeithasol proffesiynol wedi ychwanegu dyfnder at ddealltwriaeth o heriau, gan gynnwys yr angen i ailadeiladu cymunedau ar ôl Covid-19.

Cysylltwch â:

Catherine Quarrell: Catherine.quarrell@wales.nhs.uk

Charles Patterson: Charles.patterson@wales.nhs.uk