Rebecca McConnell, Fiona Moss a Nicola Powell
Bwrdd Iechyd Prifysgol Betsi Cadwaladr
Mae Ysbyty Treffynnon yn ysbyty cymunedol lle mae mwyafrif y cleifion a drosglwyddir o Ysbyty Glan Clwyd yn cyrraedd at ddibenion adsefydlu. Ar ddechrau 2021 daeth y timau Nyrsio, Ffisiotherapi a Therapi Galwedigaethol at ei gilydd ar gyfer sesiwn trafod syniadau i nodi ffyrdd y gallem gynorthwyo a gwella'r oedi presennol wrth ddarparu adsefydlu. Un o'r materion a godwyd oedd ymwybyddiaeth cleifion a diffyg dealltwriaeth o'r rheswm dros eu derbyn i'r ysbyty cymunedol, felly lluniwyd holiadur gwerthuso cleifion i'n galluogi i fynd i'r afael â phryderon penodol y claf.
Y Prosiect:
Nod y prosiect yw darparu gwasanaeth adsefydlu di-dor i gleifion sy'n trosglwyddo o'r lleoliad acíwt i'r ysbyty cymunedol a lleihau'r oedi rhwng cyswllt therapi pwrpasol trwy gyflwyno 'Hyrwyddwyr Adsefydlu' ar y ward. Bydd yr Hyrwyddwr Adsefydlu yn cefnogi’r claf drwy fabwysiadu dull 24 awr o weithredu ar gyfer ei gynllun adsefydlu.
Canlyniadau'r Prosiect:
- Cleifion yn cael eu rhyddhau gyda phecynnau gofal is na'r disgwyl
- Cleifion yn cael eu rhyddhau gyda llai o anghenion offer codi a chario
- Llai o hyd arhosiad a dibyniaeth ar staff
- Mwy o wybodaeth a sgiliau gweithwyr cymorth gofal iechyd presennol yn arwain at fwy o hyder gydag adsefydlu
Effaith y Prosiect:
Er yn ei ddyddiau cynnar, bydd effaith ddisgwyliedig y prosiect i'w gweld mewn meysydd allweddol megis lleihau hyd arhosiad ac aildderbyn. Gostyngiad mewn pecynnau gofal ac ymyrraeth gan wasanaethau cymunedol. Y gobaith yw y bydd profiad y claf yn gwella a chleifion yn cymryd mwy o berchnogaeth ar eu taith adsefydlu. Gostyngiad o bosibl mewn cwympiadau ac arbediad costau ar y cyd mewn llawer o feysydd. O ran staff, byddem yn disgwyl cynnydd mewn morâl, mwy o gadw swyddi a gwell dyheadau ar gyfer y dyfodol.
Gwasg:
Sut y gwnaeth Hyrwyddwyr Adsefydlu helpu dyn i wella yn Ysbyty Treffynnon
