Ym mis Mawrth 2020, penderfynodd Comisiwn Bevan gasglu barn pobl ar Covid-19 dros amser, wrth i’r sefyllfa ddatblygu. Trwy ei rwydweithiau o Arloeswyr Bevan (Enghreifftiau, Eiriolwyr a Chymrodyr) fe gipiodd brofiadau cadarnhaol a negyddol pobl sy’n gweithio o fewn y system yn ogystal â’r rhai sy’n defnyddio’r system.
Ynghyd â’r adborth gan y Comisiynwyr, bu’n monitro’r ymatebion newidiol, trwy gyfres o holiaduron misol. Mae’r adroddiad hwn yn cyflwyno canfyddiadau’r ymatebion dros y tri mis Ebrill – Mehefin 2020. Gyda’i gilydd, maent yn rhoi cipolwg pwysig ar sut yr oedd staff ac aelodau’r cyhoedd yn ymateb i’r argyfwng. Roedd yr ymatebion hyn yn onest ac wedi'u marcio gan eu gonestrwydd a'u didwylledd. Mae cydbwysedd o sylwadau cadarnhaol a negyddol, sy’n adlewyrchu cyfnod o arloesiadau trawiadol, gweithio mewn tîm a chydlyniant cymdeithasol, ond hefyd barn ymatebwyr fod rhywfaint o ddryswch, a diffygion yn ymateb cychwynnol y llywodraeth(au) a’r rhai mewn awdurdod. .
