Darparu Addysg ar Ddiogelwch Therapi Steroid Hirdymor

• Mae 1% o boblogaeth y DU yn cymryd steroidau alldarddol. Steroidau alldarddol yw'r achos mwyaf cyffredin o ataliad echelin Hypothalmig-Pituitary-Adrenal (HPA), gan arwain at argyfwng adrenal; argyfwng meddygol yw argyfwng adrenal, gyda 25% yn marw o ganlyniad.

• Asesodd tîm y prosiect wybodaeth cleifion am effeithiau defnydd hirdymor o steroidau. Amlygwyd bylchau sylweddol mewn gwybodaeth, yn enwedig mewn perthynas ag agweddau diogelwch therapi steroid hirdymor. Mae hyn yn cadarnhau canfyddiadau astudiaethau blaenorol o feddygfeydd ac ysbytai.

• Cynnig addysg strwythuredig ar agweddau diogelwch therapi steroid hirdymor, gan gynnwys addysg grŵp.

• I atal morbidrwydd diangen, marwolaethau a phresenoldeb diangen i gyfleuster gofal iechyd.

• Datblygu gwasanaeth sy'n hyfforddi nyrsys cleifion allanol. Unwaith y byddant wedi'u hyfforddi, mae'r nyrsys yn gallu derbyn cyfeiriadau a chynnig cymorth ac addysg i gleifion. Mae hyn yn cynnwys darparu taflen wybodaeth ddilys, cerdyn steroid a chyngor am freichledau neu emwaith adnabod meddygol arall. Mae'r nyrsys hefyd yn darparu addysg ar sut i chwistrellu hydrocortisone mewngyhyrol mewn sefyllfaoedd brys ac, ynghyd â chefnogaeth gan Fferylliaeth, yn darparu hydrocortisone i'w gadw gartref ar gyfer argyfyngau o'r fath.

• Cadw cofrestr ar gyfer amlygu cleifion mewn gweithfan glinigol, i'r gwasanaeth ambiwlans ac at ddibenion archwilio.

Heriau:

• Heriau ariannu cyffredinol; mae angen amser nyrsio i gyflwyno’r hyfforddiant, sy’n cymryd llawer o amser, sy’n gofyn am ymarfer, adolygu ac addysg grŵp.

• Mae angen nyrsys hyfforddedig ychwanegol i gyflenwi dros gyfnod o absenoldeb a galluogi'r gwasanaeth i barhau.

• Bydd niferoedd cleifion yn fawr pan fydd y prosiect yn cael ei gyflwyno i ragnodwyr Rhewmatoleg, Anadlol, Gastroenteroleg a rhagnodwyr steroid eraill yn ogystal â chlinigau endocrin.

• Roedd heriau ariannu, ond gan fod y prosiect hwn yn brosiect Enghreifftiol Bevan, roedd yn galluogi ariannu 2-3 sesiwn yr wythnos am chwe mis.

canlyniadau:

• Cynigiodd y tîm addysg strwythuredig i gleifion a oedd yn ddibynnol ar steroid. Cymerodd y tîm fesurau hefyd i dynnu sylw at y cleifion hynny yn y weithfan glinigol ac i'r gwasanaeth ambiwlans.

• Ar sail wirfoddol, roedd y nyrs yn gallu addysgu nifer o gleifion fel treial peilot, gan dderbyn adborth ffafriol.

• Roedd cleifion yn hapus ac yn gydweithredol i gymryd rhan.

• Er bod y bwrdd iechyd wedi cytuno i ariannu'r prosiect hwn mewn egwyddor, ar hyn o bryd nid oes ganddynt unrhyw arian i'w gynnig. Fel ateb dros dro, cytunodd Dr Pemawardhana i'w ariannu o gronfeydd ymchwil elusennol, er mwyn i'r prosiect barhau nes bod cyllid ar gael gan y bwrdd iechyd.

Camau nesaf:

• Sefydlu clinig addysgol am 2-3 sesiwn yr wythnos, gyda Nyrsys Cleifion Allanol hyfforddedig i gyflenwi'r sesiynau.

• Bydd y Rheolwr Cleifion Allanol a nyrs cleifion allanol arweiniol yn goruchwylio'r sesiynau addysg.

• Parhau i geisio cyllid parhaol, gan fod yr astudiaeth beilot wedi dangos llwyddiant.

• Cadw cofrestr i dynnu sylw at gleifion yn y weithfan glinigol (Claf Dibynnol ar Steroid) ac amlygu’r cleifion hynny gyda’u caniatâd i’r gwasanaeth ambiwlans a defnyddio’r gofrestr at ddibenion archwilio.

• Cynnig y prosiect hwn fel enghraifft i'w dilyn gan ddarparwyr gofal iechyd eraill.