Caryl Thomas, Anju Sinha, Nigel Davies a Rhodri John
Bwrdd Iechyd Prifysgol Caerdydd a'r Fro
Prif nod ein prosiect oedd gwella ansawdd y gofal a lleihau'r amseroedd aros i gael diagnosis ar gyfer cleifion yr amheuir bod ganddynt ganser endometriaidd ar y Llwybr Canser Sengl. Nod targedau presennol Llywodraeth Cymru yw gwneud diagnosis a dechrau triniaeth canser o fewn 62 diwrnod i’r pwynt amheuaeth (dyddiad yr atgyfeiriad sylfaenol). Fel rhan o’r Llwybr Canser Sengl, mae Llwybrau Optimal Cenedlaethol GIG Cymru (NOPs) yn argymell fel arfer da y dylid gwneud diagnosis histopatholeg o ganser a chamau drwy ddelweddu o fewn 28 diwrnod i’r adeg yr amheuir.
Amcanion y Prosiect:
- Gweithio gyda chydweithwyr, y bwrdd iechyd, comisiwn Bevan a chleifion i gyd-ddylunio’r gwasanaeth newydd.
- Darparu gwasanaeth ‘un-stop’ effeithlon i gleifion er mwyn gwella profiad y claf a lleihau nifer yr apwyntiadau ysbyty sydd eu hangen er mwyn cael diagnosis.
- Gwella rhan gynnar y Llwybr Canser Sengl – gwella’r llwybr diagnostig drwy gyrraedd diagnosis mewn modd mwy amserol.
Canlyniadau'r Prosiect:
Sefydlu gwasanaeth BRhP 'un stop' newydd a gwell ym Mwrdd Iechyd Caerdydd a'r Fro er mwyn hwyluso diagnosis mwy amserol o ganser endometriaidd ac i roi sicrwydd yn gynt i'r rhai sydd ag adroddiadau histopatholeg arferol.
Effaith y Prosiect:
Ers cyflwyno’r clinig gwaedu un stop ar ôl diwedd y mislif, rydym wedi gweld gwelliannau cyffredinol yn yr amser a gymerir i gyrraedd diagnosis (RTT) neu ganlyniadau israddio sy’n anfalaen i gleifion yr amheuir bod ganddynt ganser endometriaidd.
Mae'r adborth a dderbyniwyd gan gleifion wedi bod yn gadarnhaol iawn. Mae'n well gan gleifion ddull 'un stop', gan osgoi'r angen i achosi oedi pellach a lleihau'r angen am apwyntiadau lluosog. Cawsom adborth cadarnhaol iawn yn gyson am ein staff clinig, sy'n helpu i hyrwyddo newid cadarnhaol o fewn yr adran. Mae'r prosiect wedi ein galluogi i ddarparu diagnosis amserol o ganser endometrial, tawelu meddwl y rhai sydd wedi cael canlyniadau normal a lleihau nifer yr ymweliadau ysbyty sydd eu hangen ar gyfer cleifion.
